Armenteros: “Anderlext”dən gedəndən sonra həmişə bu kluba qarşı oynamaq istəmişəm”

“Qarabağ”ın hücumçusu Samuel Armenteros Avropa Liqasının qrup mərhələsinin son turu çərçivəsində Belçika “Anderlext”inə qarşı keçiriləcək oyunla bağlı fikirlərini bölüşüb. Allsport.az saytına açıqlamasında o, bunları söyləyib:

“Brüsseldə çoxlu dostlarım var. Onlar oyunuma baxmağa gələcəklər. “Anderlext”dən gedəndən sonra, həmişə keçmiş komandama qarşı oynamaq istəmişəm. Matça xüsusi ovqatda çıxacağam. Düzdür, Reynaldo ilə Belcikada əla duet təşkil edə bilərdik.

Təəssüf ki, o, zədələndiyi üçün oyunda olmayacaq. “Anderlext” öz neydanında keçilməz deyil. Rəqib hazırda ölkə çempionatında lider deyil. Məncə, orda da qalib gələ bilərik”.