“Arsenal” favoritdir

İngiltərə premyer liqasının IX turundan sonra “Opta”nın süperkompüteri çempionluğa namizədlərin siyahısını yeniləyib.

Allsport.az xəbər verir ki, titul uğrunda mübarizədə əsas favorit “Arsenal”dır.

“Topçular”ın çempion olma ehtimalı 66,86%-dir.

İkinci yerdə “Mançester Siti”dir – 13,10%. Liqanın son qalibi “Liverpul” isə 11,09% fürsətlə üçüncü sıradadır.

Hazırda “Arsenal” 22 xalla turnir cədvəlinin lideridir. “Bornmut” 18 xalla ikinci, “Tottenhem” və “Sanderlənd” isə 17 xalla 3 və 4-cü pillələri bölüşürlər.