“Arsenal”ın baş məşqçisi: İlk 5 dəqiqədə öz meydanımızdan çıxa bilmədik

Rusiya “Arsenal”ının baş məşqçisi İqor Çerevçenko qitə liqasında “Neftçi”yə  evdə 0:1 hesabı ilə uduzduqları ilk oyunla bağlı fikrini açıqlayıb. Allsport.az saytı xəbər verir ki, o, hələ heç nəqin itirilmədiyini deyib:

“”Neftçi” müdafiədə çox əla oynadı. Futbolçularımızı bağladılar. Qarşıda cavab matçı var. Bu gün 0:0 olsaydı belə, səfərdə qol vurmalıydıq. “Neftçi” hər il avrokuboka yollanır, təcrübəsi çoxdur.

İlk 5 dəqiqədə öz meydanımızdan çıxa bilmədik. Rəqib çox yaxşı təzyiq etdi. Buna hazırlaşmışdıq, amma alınmadı”.