“Atlılar”ın “Tottenhem”lə matçı isveçrəli hakimlərə tapşırıldı

Avropa Liqasının qrup mərhələsi çərçivəsində “Qarabağ”la İngiltərənin “Tottenhem” klubu arasında keçiriləcək ilk matçın hakimləri müəyyənləşib. Allsport.az xəbər verir ki, UEFA Londonda keçiriləcək bu qarşılaşmanı isveçrəli hakimlərə həvalə edib.

Matçın baş hakimi Adrian Jakkotte olacq. Ona Rafael Zederlə Vital Jobin yardım edəcək. Dördüncü hakim funksiyasını isə Yohannes Fogel yerinə yetirəcək.

Qeyd edək ki, “Tottenhem” – “Qarabağ” matçı sentyabrın 17-də “Uayt Hart Leyn”də keçiriləcək və yerli vaxtla saat 21:05-də (Bakı vaxtı ilə 00:05) start götürəcək.