“Avarçəkmə federasiyasının başlıca vəzifəsi yeniyetmə və gəncləri bu idman növünə cəlb etməkdir”

Azərbaycan kanoe və avarçəkmə federasiyası noyabrın 9-da federasiyanın yeni binasında mətbuat konfransı keçirdi. Allsport.az saytı xəbər verir ki, əvvəlcə ötən il Bakıda BMT-nin İqlim dəyişmələri üzrə çərçivə konvensiyasının tərəflər konfransının 29-cu sessiyası ərəfəsində keçirilmiş “Təmiz suda avar çək” aksiyası zamanı Çinin ən böyük su idmanı xidmətləri təminatçısı olan “Deep Dive” təşkilatı ilə əməkdaşlığın 1 ilinin tamamı qeyd olundu.

Bu ölkənin 13 şəhərində 22 su idmanı mərkəzini idarə edən təşkilatla əməkdaşlığın əsas məqsədi Azərbaycanda və Çində avarçəkmə idmanının təbliği, sağlam həyat tərzini dəstəkləmək, təmiz su hövzələrinin, təbii mühitin qorunub saxlanılmasıdır. Qlobal kanal avarçəkmə federasiyasının nümayəndələri COP-30 tədbiri ilə əlaqədar Bakıdan Braziliyaya yola düşəcək. Bakıda təşkil olunmuş “Təmiz suda avar çək” aksiyası Braziliyada davam etdiriləcək.

Sonra 2025-ci ildə avarçəkənlərimizin Azərbaycanda və xaricdə təşkil olunmuş beynəlxalq reqatalarda əldə etdiyi nəticələr barədə məlumat verildi. AKAF-ın mətbuat xidmətinin rəhbəri Vüsal Qurbanov dedi ki, gənclər və idman nazirliyinin tətbiq etdiyi ənənəvi ilin yekunları siyahısında son dövrdə avarçəkmə federasiyası da yer alıb; mövsümə Adanada keçirilmiş “Bahar kuboku” ilə başlayıb, Mingəçevirdə MDB oyunları ilə bitirib. Həmin arada təşkil olunan digər yarış və reqatalarda da avarçəkənlərimiz yüksək nəticələr göstəriblər.

AKAF-ın baş karibi Fərhad Əliyev gələcək hədəflərdən danışdı. Bildirdi ki, kanoe və avarçəkmə federasiyasının başlıca vəzifəsi yeniyetmə və gəncləri bu idman növünə cəlb etməkdir. GİN-in idman şöbəsinin müdiri Elnur Məmmədov sözü gedən federasiyanın qabaqcıl ictimai birliklərdən olduğunu vurğuladı. Mətbuat konfransından sonra Bakıdan və Mingəçevirdən olan komandalar Xəzər dənizində nümunəvi çıxışlar etdilər.