AVF rəsmiləri Lüksemburqda

Azərbaycan voleybol federasiyasının baş katibi Faiq Orucov və icraçı direktor Vüqar Hüseynzadə Lüksemburqda Avropa voleybol konfederasiyasının rəsmiləri ilə görüşüblər.

Allsport.az saytı xəbər verir ki, işgüzar səfərdə AVF rəsmiləri CEV-in idarəedici direktoru Thorsten Endreslə və qurumun digər nümayəndələri ilə söhbətləşiblər.

Voleybol, çimərlik voleybolu, qar voleybolu ilə bağlı yeniliklər müzakirə olunub. Həmçinin qarşıdakı yarışlar və nəzərdə tutulan digər işlər haqqında danışılıb.