Avropa kubokunun qalibləri Vətənə qayıdıblar

10-13 oktyabr tarixlərində Fransanın Monpelye şəhərində keçirilən çimərlik voleybolu üzrə Avropa kubokunun qalibi olmuş “Azərreyl” klubunun qadın və kişi komandaları bu gün Vətənə qayıdıblar.

Allsport.az xəbər verir ki, Avropa kubokunda bütün rəqiblərinə qalib gələn komandalarımızı Azərbaycan voleybol federasiyasının nümayəndələri, media mənsubları, azarkeşlər və idmançıların yaxınları qarşılayıblar.