Avropa liqasına təyinat alıb

FİFA referisi Əliyar Ağayev – Avropa liqasının 3-cü təsnifatının ilk oyunu çərçivəsində “Panevejis” (Litva) – “Makkabi” (Təl-Əviv, İsrail) qarşılaşmasında baş rolda olacaq.

Allsport.az saytı xəbər verir ki, ona Zeynal Zeynalov və Akif Əmirəli kömək edəcəklər. 4-cü hakim funksiyasını Kamal Umudlu yerinə yetirəcək. Elçin Məsiyev isə matça AVAR kimi təyinat alıb.

Avqustun 8-də eyni adlı şəhərin “Aukştaytiya” stadionunda görüş Bakı vaxtı ilə saat 21:00-da başlayacaq.