Azərbaycan idmanında “2024-cü ilin ən yaxşıları”

Gənclər və idman nazirliyi 2024-cü ilin idman yekunlarına həsr olunmuş qala mərasimi keçirib. Allsport.az xəbər verir ki, tədbirdə idman təşkilatlarının, federasiyaların, media qurumlarının rəhbərləri, idmançılar, məşqçilər və idman ictimaiyyətinin nümayəndələri iştirak ediblər.

Açılış mərasimində əvvəlcə dövlət himni səsləndirilib. Ölkəmizin ərazi bütövlüyü uğrunda canından keçən şəhidlərin və təyyarə qəzasında həlak olanların xatirəsi bir dəqiqəlik sükutla yad olunub.

Tədbirdə çıxış edən gənclər və idman naziri Fərid Qayıbov 2024-cü ilin Azərbaycan idmanı üçün uğurlu keçdiyini qeyd edib və bu münasibətlə federasiya rəhbərlərini, idmançıları, məşqçiləri, idman ictimaiyyətini təbrik edib. Nazir 2025-ci ilin idmanımız üçün daha da uğurlu olacağına inandığını bildirib.

Sonra 2024-cü ilin idman yekunları barədə hesabat videoçarxı təqdim edilib. Ardınca federasiyalar, idman jurnalistləri arasında və sosial mediada aparılmış sorğu əsasında müəyyənləşmiş müxtəlif nominasiyalar üzrə ilin qaliblərinin mükafatlandırılma mərasimi olub.

2024-cü ilin ən yaxşıları sorğusunun yekun nəticələrinə əsasən aşağıdakı nominasiyalar üzrə qaliblər təltif ediliblər:

2024-cü ilin ən yaxşı idman federasiyası

1. Azərbaycan cüdo federasiyası
2. Azərbaycan gimnastika federasiyası
3. Azərbaycan güləş federasiyası

2024-cü ilin qadınlardan ibarət ən yaxşı milli komandası

1. Bədii gimnastika qrup hərəkətləri komandası
2. 3×3 basketbol üzrə milli komanda
3. Güləş üzrə milli komanda

2024-cü ilin kişilərdən ibarət ən yaxşı milli komandası

1. Yunan-Roma güləşi üzrə milli komanda
2. Cüdo üzrə milli komanda
3. Sərbəst güləş üzrə milli komanda

2024-cü ilin qadınlardan ibarət ən yaxşı klub komandası (oyun idman növləri)

1. “Azərreyl” çimərlik voleybolu komandası
2. “Neftçi” 3×3 basketbol komandası
3. “Qarabağ” həndbol komandası

2024-cü ilin kişilərdən ibarət ən yaxşı klub komandası (oyun idman növləri)

1. “Qarabağ” futbol komandası
2. “Azərreyl” çimərlik voleybolu komandası
3. “Birbaşa Bakı” minifutbol komandası

2024-cü ilin ən yaxşı idman klubu

1. “Ocaq Sport” idman klubu
2. “Neftçi” idman klubu
3. “Volan” badminton klubu

2024-cü ilin ən yaxşı qadın məşqçisi

1. Siyana Vasilyeva (bədii gimnastika)
2. Solmaz Adilova (qadın güləşi)
3. Larisa Axundova (kanoe və kayak)

2024-cü ilin ən yaxşı kişi məşqçisi

1. Riçard Trautman (cüdo)
2. Məmməd Abdullayev (taekvondo)
3. Qurban Qurbanov (futbol)

2024-cü ilin qeyri-olimpiya növləri üzrə ən yaxşı məşqçisi

1. İradə Qurbanova (akrobatika)
2. Adil Hüseynzadə (tamblinq)
3. Eduard Məmmədov (kikboksinq)

2024-cü ilin ən yaxşı qadın idmançısı

1. Yaylagül Ramazanova (kamandan oxatma)
2. Anna Skidan (atletika)
3. Mariya Stadnik (qadın güləşi)

2024-cü ilin ən yaxşı kişi idmançısı

1. Hidayət Heydərov (cüdo)
2. Zelim Kotsoyev (cüdo)
3. Həşim Məhəmmədov (taekvondo)

2024-cü ilin ən yaxşı qadın paralimpiyaçısı

1. Lamiyə Vəliyeva (paraatletika, qaçış)
2. Dürsədəf Kərimova (paracüdo)
3. Könül Süleymanova (paraüzgüçülük)

2024-cü ilin ən yaxşı kişi paralimpiyaçısı

1. İmaməddin Xəlilov (parataekvondo)
2. Səid Nəcəfzadə (paraatletika, uzunluğa tullanma)
3. İlham Zəkiyev (paracüdo)

2024-cü ilin qeyri-olimpiya növləri üzrə ən yaxşı idmançısı

1. Ağasif Rəhimov və Raziyə Seyidli (akrobatika)
2. Ülviyyə Fətəliyeva (şahmat)
3. Əliqismət Həsənov (karate)

2024-cü ilin ən yaxşı idman qurğusu

1. Milli gimnastika arenası
2. Bakı su idmanı sarayı
3. “Kür” olimpiya tədris-idman mərkəzi

2024-cü ilin ən yaxşı idman tədbiri

1. Formula-1 Azərbaycan qran prisi (Bakı)
2. Beynəlxalq avarçəkmə reqatası (Füzuli və Mingəçevir)
3. Cüdo üzrə “Böyük dəbilqə” turniri (Bakı)

2024-cü ilin ən yaxşı idman jurnalisti

1. Elmir Əliyev – Haqqın.az
2. Kənan Hakimov – İctimai TV
3. Nazilə Əhmədova – Real TV

2024-cü ilin ən yaxşı idman media qurumu

1. CBC Sport TV
2. Azərtac.az
3. İdman.biz

2024-cü ilin ədalətli oyun (fair play) mükafatçısı

1. Həşim Məhəmmədov – Azərbaycan taekvondo federasiyası
2. Leyla Abidinova – Azərbaycan atletika federasiyası
3. Nərmin Şərifova – Azərbaycan badminton federasiyası

2024-cü ilin ən yaxşı hakimi

1. Emil Qurbanəliyev (boks)
2. Nataliya Bulanova (gimnastika)
3. Asif Şirəliyev (güləş)

2024-cü ilin ən yaxşı idman tibb personalı

1. Aydın Ağaliyev (gimnastika)
2. Nigar Heydərova (MİTRİ)
3. Ramil Vəliyev (cüdo)

2024-cü ilin ən yaxşı idman fotoqrafı

1. Zaur Mustafayev (Trend.az)
2. Nadejda Cavad
3. İslam Atakişiyev (İdman.biz)

2024-cü ilin idman mövzusunda ən yaxşı videoçarxı

1. “Bir də gəlsəm” – Azərbaycan cüdo federasiyası
2. “Doğru hədəfə yönəl” – ATV
3. “Güləşçilərin musiqi testi” – Azərbaycan güləş federasiyası

2024-cü ilin ən yaxşı olimpiya idman lompleksi

1. Quba olimpiya idman kompleksi
2. Goranboy olimpiya idman kompleksi
3. Ağdaş olimpiya idman kompleksi

2024-cü ilin ən yaxşı uşaq-gənclər idman məktəbi

1. “Ulduz” futbol akademiyası
2. ROEQİUG velosiped məktəbi
3. Masallı UGİM

2024-cü ildə uğurlu beynəlxalq fəaliyyətə görə

1. Azərbaycan atçılıq federasiyası
2. Azərbaycan atıcılıq federasiyası
3. Azərbaycan ağırlıqqaldırma federasiyası

Tədbirdə karyerasını başa vurmuş bədii gimnastlar Zöhrə Ağamirova və Zeynəb Hümmətova, güləşçilər Hacı Əliyev və Sabah Şəriəti idmanın inkişafındakı xidmətlərinə görə təltif olunublar.