Azərbaycan klubları UEFA reytinqində irəlilədilər

UEFA Avropa klublarının yeni reytinq siyahısını açıqlayıb. Allsport.az xəbər verir ki, Azərbaycan bu siyahıda yenə 7 klubla təmsil olunur.

Ən yaxşı göstəriciyə malik klubumuz “Qarabağ”dır. Son ölkə çempionu 12.125 reytinq xalı ilə 127-ci pillədə qərarlaşıb.

“Neftçi” 9.475 reytinq xalı ilə 160-cı yerdə gedir. “İnter” isə 5.225 xalla 249-cu sırada yer alıb.

“Qarabağ”la birgə bu mövsüm Avropa Liqasında mübarizəni davam etdirən “Qəbələ” də irəliləyişə nail olub. Belə ki, bölgə təmsilçisi hazırda 4.975 xalla 257-ci pilləyə yüksəlib.

“Xəzər Lənkəran” 4.225 xalla 288-cidir. 2.975 reytinq xalı olan AZAL və “Bakı” isə 341-ci pilləni bölüşürlər.