Azərbaycan prezidenti “Qarabağ” klubuna 1 000 000 manat mükafat ayırdı

Dekabrın 17-də Azərbaycan Respublikasının Prezidenti İlham Əliyev “Qarabağ” futbol klubunun Avropa Liqasında uğurlu iştirakı haqqında” sərəncam imzalayıb.

Allsport.az “Azərtac”a istinadən xəbər verir ki, sərəncama əsasən, Avroliqada uğurlu iştirakına, ölkəni layiqincə təmsil etdiyinə və futbolun inkişafında xidmətlərinə görə, “Qarabağ” futbol klubuna Azərbaycan respublikasının 2014-cü il dövlət büdcəsində nəzərdə tutulmuş prezidentin ehtiyat fondundan bir milyon manat ayrılıb.