Azərbaycan samboçuları növbəti sınaq qarşısında

Martın 26-dan 30-dək Moskvada A.Xarlanpiyevin xatirəsinə həsr olunmuş sambo üzrə dünya kubokunun mərhələ yarışı təşkil olunacaq. Allsport.az xəbər verir ki, sambo üzrə Azərbaycan milli komandasının baş məşqçisi Yaqub Abdullayev “Azərtac”a müsahibəsində bildirib ki, ənənəvi olaraq keçirilən yarışda idmançılarımız da mübarizə aparacaqlar.

Yarışda ölkəmizin idman şərəfini 10 samboçu qoruyacaq. Heyət tam hazır olmasa da, bəzi aparıcı idmançıların yarışda iştirakı nəzərdə tutulub. Görüşlərin idarə olunmasında ölkəmizi Cabir İsmayılov təmsil edəcək.