Azərbaycan UEFA reytinqində xal ehtiyatını artırıb

Avropa Liqasındakı təmsilçilərinin 1-ci təsnifat mərhələsinin ilk oyunlarındakı uğurlu çıxışı Azərbaycanın UEFA reytinqindəki xal ehtiyatını zənginləşdirib. Allsport.az saytı xəbər verir ki, “Kəpəz”in heç-heçəsi, “Neftçi” və “Qəbələ”nin qələbəsi bütövlükdə ölkəmizə 0,625 xal qazandırıb.

Azərbaycan hazırda UEFA reytinqində 24-cü pillədədir. Xal ehtiyatımız isə 14,125-ə bərabərdir. Bizdən öndə Şotlandiya qərarlaşıb – 15,050. Qeyd edək ki, Azərbaycan 2015/16 mövsümünü 26-cı pillədə başa vurmuşdu (14,875).