“Azərbaycana qalib gəlmək şansımız var idi”

Futzal üzrə Çexiya yığmasının baş məşqçisi Tomaş Noymann AÇ-2016-nın final mərhələsi çərçivəsində Azərbaycana qarşı keçirdikləri oyunu (5:6) şərh edib. Allsport.az xəbər verir ki, o, bunları söyləyib:

“Hər iki komanda əla matç keçirdi. Amma matçın sonunda uğur rəqib tərəfdə oldu. Biz bu görüşdə çoxlu səhvə yol verdik. Bu qədər səhvə yol verəndə də qələbə qazanmaq mümkünsüz olur. Bizim qələbə qazanmaq şansımız var idi. Xüsusilə də Mixal Kovaçın əla qol vəziyyətini boş verdiyi və böyük üstünlük əldə etdiyimiz son iki dəqiqədə. Bütövlükdə çox yaxşı oynadıq”.