Azərbaycanlı cütlər 1/8-də

Azərbaycan badmintonçuları “Azerbaijan International 2024” turnirində 1/8 finala yüksəlib.

Allsport.az xəbər verir ki, kişilərdən ibarət Aqil Qəbilov-Diki Pangestu tandemi qazaxıstanlı rəqibini məğub edib.

Azərbaycanlı cütlük Jangir İbraev-İlya Lisenko duetinə 2:1 (16:21, 21:5, 21:12) hesabı ilə qalib gəlib. Badmintonçularımız növbəti mərhələdə Çex Respublika təmsilçiləri Ondrej Kral-Adam Mendrek tandemi ilə qarşılaşacaqlar.

Cahid Əlhəsənov və Era Maftuha tandemi qarışıq qoşa kateqoriyasında 1/16 finalda qələbə qazanıb. Onlar Qazaxıstan badmintonçuları Jangir İbraev-Oksana Ştelle cütünə 2:0 (21:18, 21:19) məğlub edərək, 1/8 finala yüksəliblər. Cahid Əlhəsənov-Era Maftuha duetinin növbəti mərhələdəki rəqibi Aleksander Lindeman-Jozefine Vu tandemi olacaq.