“Azərreyl” və “Lokomotiv” klublarının Çağırış kubokunda rəqibləri bilinib

Lüksemburqda qadın və kişi voleybol klubları arasında Çağırış kubokunun püşkü atılıb. Allsport.az saytı xəbər verir ki, tədbirin nəticəyə görə “Azərreyl” Rumıniyanın “Ştiinta” komandası ilə qarşılaşacaq. Qızlarımız yarışa 1/16 finaldan başlayacaq.

Rumıniya təmsilçisi ilə ilk oyununu dekabrın 12-14-də səfərdə keçirəcək. Cavab matçı isə gələn il yanvarın 9-11-də Bakıda olacaq.

Kişi voleybolçuların Azərbaycan çempionu “Lokomotiv”in də rəqibi müəyyənləşib. Avrokubokda debüt edəcək Bakı klubu Kiprin “Apoel” komandası ilə üz-üzə gələcək. Mübarizəyə ikinci təsnifat mərhələsindən başlayacaq komandamız ilk oyununu noyabrın 21-23-də paytaxtımızda, ikinci görüşünü isə 1 həftə sonra səfərdə keçirəcək.