Azad Rəhimov Avropa şurası idman nazirlərinin toplantısına qatılıb

Tiflisdə Avropa şurası idmana məsul nazirlərin sayca 15-ci toplantısı öz işinə başlayıb. Allsport.az saytı xəbər verir ki, “İdmanda insan haqlarının qorunması: Öhdəliklər və məsuliyyətin bölünməsi” başlığı altında keçirilən, 320-dən çox iştirakçının qatıldığı toplantıda ölkəmizi gənclər və idman naziri Azad Rəhimov təmsil edir.

Əsas məqam idmanda iştirak və mövcudluğun İnsan haqları vasitəsi ilə təbliğ olunmasıdır. İdmançıların hüquqlarının qorunması, dopinqdən istifadənin qarşısının alınması, ictimaiyyətin hər bir təbəqəsindən olan vətəndaşların idmanla fəal məşğul olmaları üçün daha geniş imkanların yaradılması müzakirə mərkəzində olub. Bununla yanaşı, idmanda insan haqlarının müdafiəsi, məsuliyyət və ümumi öhdəliklər, idmanda korrupsiyaya qarşı mübarizə və fəaliyyətin aktivləşdirilməsi də müzakirə olunan əsas  məsələlər sırasında olub.

GİN-in mətbuat katibi Səmayə Məmmədovanın yaydığı məlumata görə, konfransin acilişinda Avropa şurasinin bas katibinin müavini xanim Gabriela Battaini – Dragoni, gurcustanın baş Naziri  Mamuka Baxtadze, Avropa şurasinin nazirlər komitəsinin başçılığını təmsil edən, Xorvatiyanın idmana dair mərkəzi dövlət idarəsinin baş katibi xanım Janica Kostelic, Avropa olimpiya komitəsinin prezidenti Janez Kocijàncic və digər rəsmilər iştirak edir.