“B” qrupunda İntiqam Zairov 1-ci, Rövşən Fətullayev 3-cü oldu

ABŞ-in Hyuston şəhərində ağırlıqqaldıranların dünya çempionatı davam edir. Allsport.az saytı xəbər verir ki. Azərbaycan milli komandasının üzvü Rövşən Fətullayev (94 kq) toplam 373 kq (166+207) nəticə göstərib və “B” qrupunda 3-cü olub.

Bu çəkidə mübarizə aparan digər təmsilçimiz İntiqam Zairov cəmdə 380 kq (173+207) ağırlığın öhdəsindən gələrək, bu qrupun qalibi olub. Hər 2 idmançının yekun sıralamadakı yeri “A” qrupunda yarışlar başa çatandan sonra məlum olacaq.