Badmintonçularımız Türkiyədə

Ankarada “Turkey Junior Open 2019” beynəlxalq turniri davam edir.

Allsport.az xəbər verir ki, 19 yaşadək badmintonçuların qatıldığı yarışda idmançılarımız 5 kateqoriyada 6 iştirakçı ilə təmsil olunur. Cavanşir Əlizadə, Vahid Quliyev və Teymur Abbasovdan ibarət məşqçilər korpusun rəhbərliyi altında turnirə qatılan badmintonçularımız bütün kateqoriyalarda ilk görüşlərini keçiriblər. Təmsilçilərimiz mübarizəni erkən dayandırıb.

Qadın bamdintonçuların şəxsi kateqoriyasında Nigar Əliyeva 1/16 finala yüksəlib.

Turnirə sabah yekun vurulacaq.