Bakı-2015 17 gün SPORT1-in canlı efirində

Bakı-2015,  bu gün SPORT1 ilə beynəlxalq yayım haqqında müqavilə imzalayıb. Allsport.az saytı xəbər verir ki, adı çəkilən telekanal Almaniyada ilk Avropa Oyunlarının özəl yayımçısına çevrilərək. İzləyicilər gələn ilin iyunuda 17 gün davam edəcək yarışların pulsuz canlı baxmaq imkanı qazanacaqlar. SPORT1 oyunları televiziya, internet, radio və mobil platformalar vasitəsilə, əsasən canlı yayımla minimum 45 saat yayımlayacaq. Yarışların əsas məqamları ilə yanaşı, açılış və bağlanış mərasimləri də canlı olacaq.

Razılaşmada, həmçinin SPORT1 kanalının birinci Avropa Oyunlarını pulsuz şəkildə Avstriya və İsveçrədə, o cümlədən, əlavə olaraq minimum 20 saat pullu televiziya kanallarında yayımlaması nəzərdə tutulur. Bakı-2015-in Əməliyyatlar üzrə Baş direktoru Saymon Kleq bu barədə belə deyib:

“Biz böyük qürur hissi ilə SPORT1 kanalının birinci Avropa Oyunlarını yayımlayacağını və bununla milyonlarla Avropalı idman həvəskarına bu tarixi hadisəni canlı izləmə imkanı veriləcəyini diqqətinizə çatdırırıq. Bu müqavilənin bağlanması bütövlükdə Avropa qitəsində Oyunlara böyük marağın olmasının göstəricisidir və idman həvəskarlarına müxtəlif media platformalarından ölkələrini təmsil edən idmançıların nailiyyətlərini izləmə imkanı verir”.

SPORT1 kanalı Bakı-2015-in əsas yayımçısı Beynəlxalq İdman Yayımları ilə sıx əməkdaşlıq edərək, fəaliyyətini Bakı və Almaniyada yerləşən komandaların vasitəsilə həyata keçirəcək. Bütün bunlar izləyicilərə ən keyfiyyətli və müvafiq yayım təmin edəcək.

Sözü gedən telekanalının icraçı direktoru Olaf Şröder bildirib: “Birinci Avropa Oyunlarının yayımçısı kimi SPORT1 kanalı üç başlıca yayım ərazisində bu tarixi hadisəni təşviq etmək rolunu öz üzərinə götürür. Ancaq SPORT1 kanalında Almaniyalı idman həvəskarları Bakıda medal uğrunda mübarizə aparacaq qabaqcıl idmançılarımızın dünya səviyyəli performansını izləyə biləcəklər”.

Almaniya Olimpiya İdman Konfederasiyasının baş direktoru Maykl Vesper əlavə edib: “Bu, bizim qabaqcıl idmançılarımız, o cümlədən milyonlarla idman həvəskarı üçün əla xəbərdir və Bakı-2015-i Almaniyada təşviq etməyə kömək edəcək. Biz birinci Avropa Oyunlarının Almaniyanın nüfuzlu idman kanalında pulsuz yayımlanacağından olduqca məmnunuq“.

Müqaviləyə əsasən, Avropa Oyunları Türkiyə, Rumıniya, Macarıstan və Belçika ilə yanaşı, Almaniya, Avstriya və İsveçrədə də yayımlanacaq.