Bakıda alpaqut üzrə seminar keçirilib

Azərbaycan alpaqut federasiyasının Bakı regional nümayəndəliyinə daxil olan filialların idmançıları üçün seminar keçirilib. Allsport.az, alpaqut Turan döyüş sənətinin müəllifi, kutsan Vasif Namazovun tapşırığına uyğun olaraq təşkil edilən seminarda 100-dən artıq uşaq, yeniyetmə və gənc idmançı iştirak edib.

Federasiyasının Bakı regional nümayəndəliyinin rəhbəri Şahlar Vəliyev tərəfindən keçirilən seminarda idmançıların ustalıq səviyyəsi yoxlanılıb. Seminar iştirakçıları, eyni zamanda alpaqut döyüş sənəti barədə metodik məlumatlar alıb, yeni qəbul edilmiş qaydalarla tanış olublar.