Bakılı şahmatçı narkotikdən ölüb

Qrossmeyster Daniel Naroditskinin qəfil ölümünün səbəbi məlum olub.

Allsport.az xəbər verir ki, Şimali Karolina ştatının baş məhkəmə-tibbi ekspertizasının rəyinə görə, 29 yaşlı şahmatçı narkotik qarışığından zəhərlənmə nəticəsində dünyasını dəyişib. Laborator müayinələr zamanı onun orqanizmində metamfetamin, amfetamin və opioid təsirli mitraginin maddələrindən ibarət “kokteyl” aşkar edilib.

Naroditski 2025-ci il oktyabrın 19-da vəfat edib. O, 18 yaşında qrossmeyster adını qazanıb, 2015-ci ildə isə şahmat üzrə komandalararası dünya çempionatında ABŞ yığmasının heyətində çıxış edib.

Naroditski əslən bakılıdır.