“”Barselona”dan istədiyim kimi ayrılmadım”

“İnter Mayami”nin argentinalı hücumçusu Lionel Messi “Barselona”dan ayrıldıqdan sonra qəribə bir hiss keçirdiyini etiraf edib.

Allsport.az xəbər verir ki, o, 2021-ci ildə Kataloniya klubundan PSJ-yə keçib və orada 2023-cü ilin yayına qədər oynayıb, daha sonra isə ABŞ-yə köçüb.

“Qəribə bir hiss yaşayıram. Pandemiya səbəbindən son ilimi azarkeşsiz keçirməli oldum. Xəyal etdiyim kimi getmədim. Bütün karyeramı “Barselona”da keçirəcəyimi düşünürdüm”, – deyə “Sport.es” Messinin sözlərini sitat gətirir.

Oyunçu həmçinin bildirib ki, hələ də “Barselona”nı dəstəkləyir:

“Bəli, bu, göz qabağındadır. Xüsusilə də indi bir neçə nəfər olduğumuz üçün. Biz həmişə “Barselona”da baş verən bütün vəziyyətləri, nəticələri və oyunu müzakirə edirik”.

“İnter Mayami”də Messi “Barselona”nın keçmiş komanda yoldaşları Luis Suares, Serxio Buskets və Xordi Alba ilə birlikdə oynayır.