Baş məşqçilər hakimlərin qərarının yoxlanılmasını tələb edə biləcək

Beynəlxalq futbol federasiyası (FİFA) məşqçilərə oyun ərzində iki dəfə baş hakimin qərarının yoxlanılmasını tələb etməyə imkan verəcək futbola video dəstək sistemini (FVS) tətbiq etmək üçün sınaqlara başlayıb.

Allsport.az xəbər verir ki, belə bir sistem bu il U-17 və U-20 qadınlararası dünya çempionatında sınaqdan keçirilib. Beynəlxalq futbol assosiasiyaları şurasından (İFAB) icazə alınarsa, sistem digər yarışlarda da istifadə oluna bilər.

“Qeyd etmək lazımdır ki, FVS yeni VAR deyil. Çünki istifadə edilən kameraların sayı az olduğuna görə, FVS yalnız VAR-ın nəyi göstərə biləcəyini məşqçilərə nümayiş etdirəcək”, – FİFA hakimlər komitəsinin sədri Pyerluici Kollina bildirib.