“Bizi favorit hesab etmək olar, ancaq “Neftçi”yə də hörmətlə yanaşmalıyıq”

“Komanda yaxşıdır, çox çalışıb, öncədən başlamağımıza rəğmən biz razıyıq və inkişaf üçün yer var. Ancaq çox sürətlə işləyirik və hazırda yaxşı səviyyədəyik”.

Allsport.az saytı xəbər verir ki, bunu “Olimpiakos”un baş məşqçisi Pedro Martins çempionlar liqasının 2-ci ələməsində “Neftçi” ilə keçiriləcək ilk oyun öncəsi mətbuat konfransında deyib. Onun sözünə görə, əsas diqqəti öz komandasına yönəltsə də, rəqibə də nəzər yetirməyi unutmayıb:

“Komandamızla daha çox məşğul oluram, amma əlbətdə ki, “Neftçi”ni öyrənmişəm, çox yaxşı klubdur, hörmətimizə layiqdir, xeyli legionçuları var və bu, mərhələ adlamaqda yaxşı rol oynadı. Bizi favorit hesab etmək olar, ancaq səddi adlamaq üçün, rəqibi tanıdığımız və hörmət etdiyimiz kimi çox diqqətli olmalıyıq”.