Bizim hakimlərə seminar keçirəcək

UEFA hakimlər komitəsinin üzvü, UEFA “Talant və mentor proqramı”nın rəhbəri, eyni zamanda hakim-inspektor Byorn Kuypers AFFA-nın dəvəti ilə Bakıya səfər edəcək.

Allsport.az saytı xəbər verir ki, niderlandlı mütəxəssis fevralın 27-də “Bulvar” mehmanxanasında hakimlər üçün seminar keçirəcək.

Saat 11:00-da başlayacaq seminarda liderlik və oyun idarəçiliyi, eyni zamanda kommunikasiya üzrə təcrübələri bölüşüləcək. Həmçinin FİFA dərəcəli hakimlərə döş nişanlarının təqdimatı olacaq. Tədbirin bağlanış mərasimi saat 16:30-da baş tutacaq.

Seminardan sonra saat 17:00-da brifinq təşkil olunacaq.