“Bizim üçün bu mövsüm bitib”

“Neftçi” premyer liqanın 33-cü turunda evdə “Kəpəz”lə məhsuldar heç-heçə etdi (2:2). Allsport.az saytı xəbər verir ki, mətbuat konfransında meydan sahiblərinin baş məşqçi Samir Abbasov açıqlama verib:

“Reallıq budur ki, bizim üçün bu mövsüm bitib. Çalışırıq, futbolçuları məşqlərə, matçlara hazırlayaq və bacardığımız qədər yaxşı oynayaq. İlk hissədə dominant futbol oynadıq. 10-15 dəfə rəqibin cərimə meydançasında olduq.

Bununla belə, epizodları qola çevirə bilmədik. Üstəlik, bunların çoxu rəqibin əks-hücumu ilə bitirdi. Sona 3 tur qalıb. Yenə də futbolçuları kökləyəcəyik, qarşıdakı oyunlarda maksimum nəticə qazanmağa çalışacağıq”.