Boyanka Kostova: Avropa çempionatında hədəfim qızıl medaldır

Xəbər verdiyimiz kimi, 9-18 apreldə ağırlıqqaldıranlar arasında Avropa çempionatı keçiriləcək. Allsport.az xəbər verir ki, bu yarışda millimiz iştirak edəcək. Qitənin ən güclülərinin yarışında mübarizə aparmağa namizəd ağır atletlər AzAL-ın Şüvəlan qəsəbəsində yerləşən bazasında hazırlığı davam etdirirlər.

Yığmamızın hazırkı lideri Boyanka Kostova (58 kq) qitə çempionatında baş mükafatı hədəfləyib. Bu barədə o, saytımıza açıqlamasında söyləyib: «Artıq formaya düşmüşəm. İndi böyük qələbələrə sahib çıxmağın zamanı yetişib. Özümü bir daha sübut etmək üçün Avropa çempionatı gözəl fürsətdir».