“Belə oyunlarda soyuqqanlı və səbrli olmaq çox vacibdir”

“Qarabağ”ın baş məşqçisi Qurban Qurbanov premyer liqanın 27-ci turunda “Keşlə”yə 2:0 hesabı ilə qalib gəldikləri oyunla bağlı açıqlama verib. Allsport.az saytı xəbər verir ki, o, həlledici görüşlərdə qətiyyətli olmağın vacibliyini qeyd edib:

“Belə oyunlarda soyuqqanlı və səbrli olmaq çox vacibdir. Bu gün futbolçular özlərini rahat və sərbəst hiss etdilər, eyni zamanda yaxşı oyun qurdular. Baxmayaraq ki, çoxsaylı qol epizodlarımız oldu.

Amma vacib olan odur ki, hazırlaşdığımız kimi hücumlar qurduq və oyunu düzgün şəkildə sona yetirdik. Vacib olan 3 xalı qazandıq. Sənan Qurbanova  həm çempionatda, həm də Azərbaycan kuboku uğrunda mübarizədə uğurlar arzulayıram”.