“Bu tempi saxlamaq çətin olacaq”

“Sumqayıt” premyer liqanın 22-ci turunda “Qarabağ”a böyük hesabla (1:4) uduzub. Allsport.az saytı xəbər verir ki, qonaqların baş məşqçisi Ayxan Abbasov yenilgi barədə bunu deyib:

“Bu oyuna çox ciddi hazırlaşmışdıq. “Qarabağ” Azərbaycanda ən yaxşı komandadır. İstənilən situasiyaya hazır idik. Belə şeylər olur. Gənc komandamız var.

“Qarabağ”la oyunlarda təzyiq olur. Çempionatın sonunadək bu tempi saxlamaq çətin olacaq. Lakin yaxşı fürsətimiz var, istifadə etməyə çalışacağıq”.