“Bu uğuru davam etdirmək asan olmayacaq”

Almaniya millisinin baş məşqçisi Yulian Naqelsmann Slovakiya üzərində 6:0 hesablı qələbə və DÇ-2026-ya birbaşa vəsiqəni şərh edib.

Allsport.az xəbər verir ki, o, bu qələbəyə layiq olduqlarını söyləyib: “Soyunub-geyinmə otağındakı əhval-ruhiyyə də çox yaxşıdır. Qələbəyə layiq idik. Komandamız möhtəşəm oynadı. İlk on dəqiqədə qol vura biləcəyimizi hiss etdim.

Bu uğuru davam etdirmək asan olmayacaq. Qarşıda dörd aylıq fasiləmiz var. Mart ayına qədər bir-birimizi görməyəcəyik. Amma klublarla daim əlaqə saxlayacağıq”.