“Bütün göstəricilərdə diqqətli olmalıyıq”

“Qarabağ” – Avropa liqasının əsas mərhələsinin 4-cü turunda sabah Norveçdə “Bodo/Glimt” ilə qarşılaşacaq. Allsport.az saytı xəbər verir ki, bu gün mətbuat konfransında komandamızın baş məşqçisi Qurban Qurbanov açıqlama verib:

“Son vaxtlar qarşılaşdığımız rəqiblər arasında ən intizamlı komandaya qarşı oynayacağıq. Meydandakı bütün futbolçuları yerlidir. Norveç futbolunun son illər həm milli, həm də klub səviyyəsində nəticələri bu sahədə irəli getdiklərini göstərir.

“Bodo/Glimt”in özünəməxsus oyun üslubu var. Bu rəqibi üstələmək üçün sabah bütün göstəricilərdə diqqətli olmalıyıq. Həm meydança amili, həm nəticələri rəqibin üstün cəhətləridir. Buna baxmayaraq, futbolçularımızın uğurlu nəticə üçün əllərindən gələni edəcəklərinə inanıram”.