Çempionlar liqasında rekord qeydə alınıb

Noyabrın 26 və 27-də çempionlar liqasının əsas mərhələsinin 5-ci turunun oyunları keçirilib.

Allsport.az xəbər verir ki, tur ərzində baş tutan 18 oyunda komandalar 67 qol vurub.

Bu turnir tarixində rekord göstəricidir. Əvvəlki rekord çempionlar liqasının 2000/2001 mövsümünün 1-ci turunda 16 matçda 63 qol vurulması ilə qeydə alınıb.

Hazırda turnir cədvəlinə 15 xal toplayan “Liverpul” başçılıq edir. “İnter” 13 xalla ikinci, “Barselona” isə 12 xalla üçüncü pillədə qərarlaşıb.