Danimarka “Bakı-2015”-də 65-dən çox idmançı ilə təmsil olunacaq

Danimarka Olimpiya Komitəsi “Bakı-2015”də yarışacaq idmançıların sayını müəyyənləşdirib. Allsport.az xəbər verir ki, Danimarka Oyunlarda 17-si idman növü üzrə 65-dən çox idmançı ilə təmsil olunacaq.

Bunu Danimarka nümayəndə heyətinin rəhbəri Morten Rodtvit bildirib. O, qeyd edib ki, Danimarka komandası Avropa Oyunlarında bir neçə idman növündə medallar qazanmağa iddialıdır. Komandanın tərkibində dünya və Avropa çempionları, olimpiadalarda yüksək yerlər tutmuş idmançılar yer alır.