Donald Gerye rəsmən “Neftçi”də

“Neftçi” daha bir transferini rəsmiləşdirib. Allsport.az saytı xəbər verir ki, haitili Donald Gerye ilə 1+1 il müddətinə müqavilə bağlanıb. 30 yaşlı yarımmüdafiəçi 77 nömrəli futbol geyimində çıxış edəcək.

Sonuncu klubu “Qarabağ” (2017-2019) olan futbolçu ölkəsinin “Violett” (2009-2011), “Amerika de Ke” (2011-2013), Polşanın “Visla” Krakov (2013-2016) və Türkiyənin “Alanyaspor” (2016-2017) komandalarında yer alıb.

Azərbaycan çempionatının qalibi (2018, 2019) olmuş futbolçu Donald millidə 44 oyun keçirib, 11 qol vurub.