Dortmunddan Bakıya 600 alman azarkeş gəlir

Avropa Liqasının qrup mərhələsində “Qəbələ” ilə “Borussiya” Dortmund arasında keçiriləcək oyunu 600 alman azarkeş izləyəcək. Allsport.az saytı xəbər verir ki, Almaniya klubuna ayrılan bütün biletlər satılıb.

Artıq rəqib komandanın gələcəyi vaxt da müəyyənləşib. 8-qat Almaniya çempionu oktyabrın 21-də yerli vaxtla saat 17:00-da Bakıya gələcək. Komandanın Bakıda ümumilikdə iki məşqi nəzərdə tutulur.

Əsas oyunçularla Bakıda təmsil olunacaq “Borussiya”nın mətbuat konfransı isə oktyabrın 21-də saat 21:00-da baş tutacaq.