Dünya çempionatına 5 samboçu ilə

12-14 noyabr tarixlərində Özbəkistanın paytaxtı Daşkənddə kişi və qadınlar arasında idman və döyüş sambosu üzrə dünya çempionatı keçiriləcək.

Allsport.az xəbər verir ki, “Özbəkistan” idman kompleksində keçiriləcək yarışda Azərbaycan 5 idmançı ilə təmsil olunacaq.

Baş məşqçi Vahid Tarverdiyevin rəhbərliyi altında Eyvaz Baxşıyev (58 kq), Mirfəttah Seyidəliyev (64 kq), Kamran Əsgərov (71 kq), Abdulla Abdullayev (79 kq) və Ceyhun Hüseynov (88 kq) medallar uğrunda mübarizə aparacaq.

Komanda sabah mərkəzi Asiya ölkəsinə yola düşəcək və noyabrın 15-də Vətənə qayıdacaq.

Noyabrın 11-də beynəlxalq sambo federasiyasının XXXIII konqresi baş tutacaq. Orada Azərbaycan sambo federasiyasının prezidenti Ceyhun Məmmədov da iştirak edəcək.