Dünya çempionunun yeni komandası bilindi

İspaniya millisi ilə 2010-cu il dünya çempionatının qalibi, müdafiəçi Raul Albiol “Piza” ilə müqavilə imzalayıb.

Allsport.az xəbər verir ki, bu barədə “A” seriyası təmsilçisinin rəsmi saytı məlumat yayıb.

Sentyabrın 4-də 40 yaşı tamam olacaq ispaniyalı futbolçu bu yay 2019-cu ildən formasını geyindiyi “Vilyarreal”dan azad agent kimi ayrılıb. O, ötən mövsüm la liqada 15 oyun keçirib.

Raul Albiol həm də “Real Madrid” və “Napoli”dəki çıxışları ilə tanınır.