“Əla qələbə, möhtəşəm oyun”

“Milan”ın baş məşqçisi Massimiliano Alleqri “A” seriyasının 12-ci turunda “İnter” üzərində qazanılan 1:0 hesablı qələbəni şərh edib.

Allsport.az xəbər verir ki, o, oyunun möhtəşəm keçdiyi bildirib:

“Əla qələbə, möhtəşəm oyun. İlk 15 dəqiqədə bir az sərt oynadıq, amma sonra rahatladıq və daha yaxşı qərarlar verə biləcəyimiz dörd-beş qol imkanı yaratdıq.

Keçidlərimizdə daha dəqiq olmalı idik və ikinci hissədə qol vuranda “İnter”in irəli gedəcəyi aydın idi. Leau təkbətək oynayanda yaxşı fürsətlərimiz var idi”.