Enrike qalır, ya gedir?

PSJ-nin prezidenti Nəsir Əl-Xəlifi çempionlar liqasının əsas mərhələsinin 6-cı turunun “Salzburq”la oyunundan (3:0) sonra açıqlama verib.

Allsport.az xəbər verir ki, o, parislilərin baş məşqçisi Luis Enrikeyə dəstək olub:
“Enrike bizimlə qalacaq. Onunla uzunmüddətli layihə qururuq, o bunu bilir. Dünyanın ən yaxşı məşqçisi bizdədir.

“Salzburq”la matçda qələbə çox vacib idi. Hətta deyə bilərdim ki, bu, çempionlar liqasında davam etməyimiz üçün həlledici qələbə oldu”.
Hazırda PSJ ÇL-da 7 xalla 25-ci pillədə qərarlaşıb.