Ferstappen “Mersedes”də?

“Maklaren”in baş direktoru Zak Braun “Red Bull” komandasının pilotu Maks Ferstappenin bu ilin sonuna qədər Avstriya komandasını tərk edəcəyini açıqlayıb.

Allsport.az xəbərv verir ki, o, niderlandlının “Mersedes”ə keçəcəyini bildirib:

“Düşünürəm ki, o, bu ilin sonunda gedəcək. Çox güman ki, onun növbəti ünvanı “Mersedes” olacaq. Əgər mərc etsəydim, “Mersedes”ə edərdim. Onlar son 10 ildə 7-8 dəfə mühəndislər kubokunun qalibi olublar. Keçən il beş yarışda qalib gəldilər. Onların komandası sabitdir. Toto Volfun Maksı bəyəndiyini bilirəm”.