Futbolumuzun başbiləni səfirlə görüşdü

AFFA-nın icraçı vitse-prezidenti Elxan Məmmədovla Böyük Britaniyanın Azərbaycan respublikasındakı fövqəladə və səlahiyyətli səfiri Ceyms Şarp arasında Bakı olimpiya stadionunda görüş keçirilib.

Allsport.az xəbər verir ki, görüş zamanı AVRO-2020-nin oyunları zamanı ölkəmizə səfəri nəzərdə tutulan Uels millisinin azarkeşləri ilə bağlı təşkilati məsələlər müzakirə olunub.

Sonra Ceyms Şarp Bakı olimpiya stadionunda AVRO-2020-nin rəsmi maskotu “Skillzy” ilə şəkil şəkdirib.