Gənc ağırlıqqaldıranın ölkə birinciliyi keçiriləcək

13-14 sentyabrda Şüvəlanda Ağır Atletika Akademiyasının yarış zalında gənclərin Azərbaycan birinciliyi keçiriləcək. Allsport.az saytı xəbər verir ki, yarışda ölkənin bütün regionlarından klub və cəmiyyətləri təmsil edən 100-ə yaxın ağırlıqqaldıran iştirak edəcək.

Çempionatın təşkilində məqsəd idmançıların ustalıq səviyyəsinin artırılması və təkmilləşdirilməsi, texniki cəhətdən hazırlıqlı və dərəcə normalarını yerinə yetirən idmançıların seçilməsi, kişilərdən və qadınlardan ibarət milli komandaların tərkibinin müəyyənləşdirilməsi, qarşıdakı beynəlxalq yarışlara hazırlanmasıdır.