“Həbib sözün əsl mənasında mənə qışqırdı”

Amerikalı UFC döyüşçüsü Bilal Məhəmməd rusiyalı UFC əfsanəsi Həbib Nurməhəmmədovun komandası ilə necə futbol oynadığını danışıb.

Allsport.az xəbər verir ki, bu barədə o, “Money Loyalty Legacy”ə açıqlama verib:

“Həbibin komandası tez-tez futbol oynayır, onlar bu oyunu sevirlər. Yadımdadır, yanıma gəlib dedilər ki, ay qardaş, futbolu sevirsən? Dedim ki, xoşuma gəlmir, amma qaçmağı və top vurmağı bilirəm. Dedilər: “Yaxşı, bizə qoşul”. Mən Həbibin komandasına düşdüm və ilk hissədə üç qol buraxdıq. Həbib sözün əsl mənasında mənə qışqırdı: “Sən nə edirsən?” Mən topu itirdim və o qəzəbləndi.

İkinci hissədə meydana daxil olan Həbib 5 qol vurdu. O, əsl qatildir. Bundan sonra məni daha onlarla futbol oynamağa dəvət etmədilər”.