“Hansı məşqçi “Benfika”dan imtina edərdi?”

Joze Mourinyo “Benfika” ilə müqavilə imzalamaq üçün Lissabona gələrkən jurnalistlərə açıqlama verib.

Allsport.az xəbər verir ki, daha əvvəl portuqaliyalının “qartallar”la 2 illik müqavilə imzalayacağı açıqlanmışdı.

“Benfika məndən onlarla işləməkdə maraqlı olub-olmadığımı soruşdu. Cavab verdim ki, Portuqaliyaya qayıdandan sonra bu məsələni müzakirə etməkdən məmnun olaram.

Mənə “Benfika”nın məşqçisi vəzifəsini təklif etdikdə, tərəddüd etmədən cavab verdim: “Bəli, istəyirəm, maraqlanıram”. Hansı məşqçi “Benfika”dan imtina edərdi? Əlbəttə ki, mən deyiləm”, – Mourinyonun sözlərini “Record” sitat gətirir.

Klubun yeni məşqçisini bu gün, sentyabrın 18-də açıqlayacağı gözlənilir.