“Hesabda geri düşdükdən sonra da mübarizə aparmağa davam etdik”

“Barselona”nın hücumçusu Rafinya çempionlar liqasının əsas mərhələsinin VII turunda səfərdə “Benfika” üzərində qələbədən (5:4) sonra açıqlama verib.

Allsport.az xəbər verir ki, braziliyalı futbolçu matçın çətin keçdiyini bildirib:

“Oyunun çətin olacağını bilirdik. Əsas olan qələbə qazanmaq istədiyimizi bilirdik. Hesabda geri düşdükdən sonra da mübarizə aparmağa davam etdik. Təslim olmadıq və qələbəni qoparmağa müvəffəq olduq. Məncə, nəticədən asılı olmayaraq, bu, ən vacib olandır.”

“Barsa” 78-ci dəqiqəyə kimi 2:4 hesabı ilə uduzsa da, qalan vaxtda 3 qol vuraraq qələbə qazanıb. Oyunda son nöqtəni əsas vaxta əlavə edilmiş 6-cı dəqiqədə Rafinya qoyub.