Heyət Şimali Makedoniyadadır

Skopye-2025 XVIII Avropa gənclər yay olimpiya festivalında iştirak edəcək Azərbaycan nümayəndə heyəti Şimali Makedoniyaya yola düşüb.

Allsport.az xəbər verir ki, iyulun 20-dən 26-dək keçiriləcək yarış ilk dəfə olaraq eyni vaxtda iki ölkədə – Şimali Makedoniya (Skopye, Kumanovo) və Xorvatiyada (Osiek) təşkil ediləcək.

MOK-dan verilən məlumaya görə, Azərbaycan builki festivalda 10 idman növündə 52 (28 oğlan, 24 qız) idmançı ilə təmsil olunacaq.

Festivalın açılış mərasimi bu gün Yan Sandanski idman mərkəzində keçiriləcək.