Höccət Haqverdi seçimini etdi

2025/26 mövsümü üçün transfer çalışmalarını davam etdirən “Sumqayıt” daha bir futbolçunun keçidini reallaşdırıb.

Allsport.az xəbər verir ki, “kimyaçılar” ötən mövsümü “Neftçi”də çıxış etmiş Höccət Haqverdi ilə 2 illik müqavilə imzalayıb.

Müdafiəçi “Sumqayıt”da “3” nömrəli formada çıxış edəcək.

2020/21 mövsümündə komanda ilə bürünc medal qazanan Höccət Haqverdi 1,5 mövsüm “Sumqayıt”ın şərəfini qoruyub. O, klubla bütün turnirlər daxil olmaqla ümumilikdə 49 matça çıxıb, 1 qol və 1 məhsuldar ötürmə ilə yadda qalıb.