İbrahim Uzunca: “Birinci hissədə həyəcanlı, ikinci hissədə isə isə cəsarətli oynadıq”

“Bakı”nın baş məşqçisi İbrahim Uzunca Azərbaycan Kubokunun 1/4 final mərhələsi çərçivəsində “Qarabağ”a qarşı keçirdikləri oyunu şərh edib. Allsport.az xəbər verir ki, “zolaqlılar”ın türkiyəli çalışdırıcısı 0:3 hesabıyla bitən qarşılaşmadan sonra bunları söyləyib:

“Birinci hissədə bir qədər həyəcanlı görünürdük. Təşvişə düşdük və qollar buraxdıq. İkinci hissədə isə toparlanıb, daha cəsarətli oynadıq, öz oyunumuzu tapdıq. “Qarabağ” çox güclü komandadır. Azərbaycanın qürurudur. Futbolçularıma təşəkkür etmək istəyirəm. Əlindən gələni etdilər”.