- Baxış sayı: 45
- 02 Sentyabr 2024 17:00
- Baxış sayı: 48
- Sentyabr 07, 2024
- 0
Budoçularımız Milanda keçirilən dünya çempionatında iştirak edib. Allsport.az xəbər verir ki, ölkəmizi mundialda 8 idmançı təmsil edib. Yarışda 71 kiloqram çəki dərəcəsində çıxış edən İbrahim Məmmədov K-1 növündə bütün rəqiblərini məğlub edərək qızıl kəmər qazanıb. Bu versiya üzrə mübarizə aparan Xəyal Cəmilbəyli (80 kq) və Fərqanə Saxrayeva (58 kq) hər ikisi finalda uduzaraq gümüş medalla kifayətləniblər. Fariz Nəbiyev (88 kq) isə bürünc medala sahib olub.
İdmançılarımız çempionatda Azərbaycan budo döyüş növləri federasiyasının təsisçisi, böyük usta, döyüş növləri üzrə fəlsəfə doktoru, 10-cu dan qara kəmər sahibi Faiq Rəfiyevin rəhbərliyi ilə iştirak edib.
Dünya çempionatında 40 ölkədən 532 idmançı mübarizə aparıb.